पंचायत समिती कार्यालयामधिल लेखा विभाग हा एक महत्त्वाचा विभाग आहे जो स्थानिक स्वराज्य संस्थांच्या वित्तीय व लेखा कार्यप्रणालीसाठी जबाबदार असतो.
पंचायत समिती स्तरावर लेखा विभागामध्ये सहायक लेखा अधिकारी, कनिष्ठ लेखा अधिकारी, वरिष्ठ सहायक लेखा व कनिष्ठ सहायक लेखा असुन ही पदे मंजुर असुन यांचे कडून लेखा विषयक कामे पार पाडण्यात येतात. प्रशासकिय प्रमुख गट विकास अधिकारी पंचायत समिती हे असतात.
पंचायत समिती कार्यालया अंतर्गत विभागांना व कार्यालयांना जिल्हा स्तरावरिल त्यांचे संबधित विभाग प्रमुखाकडून काढण्यात आलेल्या जिल्हा निधी, ग्रामिण पाणी पुरवठा (देखभाल व दुरुस्ती), हस्तांतरण व अभिकरण योजनेमधिल तरतुद वितरण आदेशानुसार विविध लेखाशिर्षा अतंर्गत वेतन व भत्ते, विकास योजना बांधकामे व दुरुस्ती करीता पंचायत समिती कार्यालयाकडे जिल्हा परिषद वित्त विभागाकडुन वित्तप्रेषणाव्दारे तरतुदी उपलब्ध होतात. प्राप्त तरतुदीचे अनुषंगाने विविध लेखाशिर्षांतर्गत पंचायत समिती अंतर्गत विभाग व पंचायत समिती स्तरावरील गट शिक्षणाधिकारी, बाल विकास प्रकल्प अधिकारी, जिल्हा परिषद बांधकाम / सिंचाई / ग्रामिण पाणी पुरवठा उपविभाग, प्राथमिक आरोग्य केंद्र, पशुवैद्यकीय दवाखाने यांचेमार्फतीने राबविणेत येणाऱ्या शासनाच्या वेगवेगळ्या विकास योजनांची, वेतन व भत्यांची देयके तयार करुन पंचायत समिती स्तरावर लेखा विभागात मंजुरी साठी सादर करण्यात येतात.
पंचायत समिती अंतर्गत विविध विभाग व कार्यालयाकडून प्राप्त होणारी देयके महाराष्ट्र जिल्हा परिषदा व पंचायत समित्या लेखासंहिता 1968, मुंबई वित्तीय नियम 1959 व शासनाचे वेळोवेळी प्राप्त शासन निर्णय, परिपत्रके यामधिल नियमानुसार अंमलबजावणी करुन सादर करण्यात आलेली आहेत याबाबत प्राप्त देयकांचे पुर्व लेखा परिक्षण लेखा विभागामार्फत करण्यात येते व तदनंतर पंचायत समिती कार्यालयाचे वित्तीय व प्रशासकिय प्रमुख गट विकास अधिकारी यांचेकडे मंजुरी करिता सादर करण्यात येतात. देयके मंजुरी अंती देयकाची रक्कम सबंधितांचे बँक खात्यावर अदा करण्यात येते.